Билим берүү жана илим министринин орун басары Муратбек Касымалиев мугалимдер арасында STEM технологияларын колдонуу менен сабактарды иштеп чыгуу боюнча республикалык сынактын жеңүүчүлөрүнө сыйлыктарды тапшырды. Жети адамдан турган атайын комиссия сабактарды бир нече критерийлер боюнча баалап, жеңүүчүлөрдү аныктады.
Жеңүүчүлөр:
* Баш байгенин жеңүүчүсү №38 атындагы орто мектептин англис тили мугалими Асылгүл Наркулова. Б.Алыкулова, Ош шаары диплом жана ноутбук менен сыйланды.
I орун – Айгүл Алчинова, Бишкек шаарынын №54 орто мектебинин биология мугалими – 1-даражадагы диплом жана принтер;
II орун – Дильфузы Шарабидин кызы, Ош облусунун Саит Алайчы уулу атындагы инновациялык лицейинин англис тили мугалими – II даражадагы диплом жана планшет;
III орун – Акылай Мавлян кызы, №32 мектептин математика мугалими, Бишкек – 3-даражадагы диплом жана эки күндүк Алматыга жолдомо.
Ошондой эле алдыңкы ондукка кирген катышуучуларга дипломдор жана акчалай сыйлыктар тапшырылды.
Белгилей кетсек, сынакты «Кут билим» медиа борборунун «Эл агартуу» журналы жарыялаган. Сынакка материалдар 2024-жылдын 1-мартынан 1-майына чейин кабыл алынып, сабактарга 50дөн ашык шилтемелер алынган.
